19 декабрьдә экскурсияләрне оештыру бүлеге экскурсоводы М. Н.Рогачева ТР Спас муниципаль районының «аерым фәннәрне тирәнтен өйрәтүче 1 нче Болгар урта гомуми белем мәктәбе» нең 3 нче сыйныф укучылары өчен «Аларның исемнәре безнең шәһәр урамнарында» дигән лекция укыды.
Теләсә кайсы башка шәһәрнеке кебек үк, Болгар шәһәренең дә үз биографиясе бар. Бүген аның күп кенә урамнары төрле вакытта шәһәрдә яки Спас районында яшәгән күренекле кешеләр исемен йөртә. Урамнарның исемнәрен еш әйткәндә, без аның кем хөрмәтенә аталуы, бу кешенең кем булуы турында уйлап та карамыйбыз. Шуңа күрә үсеп килүче буынга урам исемнәре, исем-фамилияләр генә түгел, ә аларда кемнеңдер тормышы һәм язмышы булуын җиткерү мөһим, һәм моның туган шәһәренең үткәнен, бүгенгесен һәм киләчәген бердәм, өзлексез тарихка әйләндерүче күпер булып хезмәт итүен истә тотарга кирәк.
Әңгәмә форматында узган лекция вакытында укучылар туган шәһәр урамнарында исем-фамилия йөртүче кешеләр турында күбрәк белделәр. Балалар үзләре дә сөйләшүдә актив катнаштылар, үзләре яшәгән урамнар турында сөйләделәр. Барысы да зур кызыксыну белән шәһәр урамнары исемнәре белән бәйле тематик кроссвордны чиштеләр, ә иң актив балалар Болгар турында китаплар белән бүләкләнделәр.