12 декабрьдә Болгар музей-тыюлыгының фәнни хезмәткәре Мусина Г.М. «Чишмә» катнаш төрдәге балалар бакчасының «йолдызлар» мәктәпкәчә әзерлек төркемендә тәрбияләнүче 17 бала өчен« Конституция – Россиянең төп законы» дигән чара үткәрде.
Дәрес башында укучылар белән Россия турында әңгәмә үткәрелде. Алар Россия гимнын тыңладылар, аннары «закон, тәртип, хокук»төшенчәләрен белделәр. Уен барышында балалар «Конституция» сүзен җыйдылар һәм аның килеп чыгышы һәм мәгънәсе белән таныштылар. Викторина биремнәре, сораулар һәм табышмаклар балаларга дәүләт символлары, гражданнарның хокуклары һәм бурычлары, шулай ук дәүләт бәйрәмнәре турында белемнәрен ныгытырга ярдәм итте. Әлеге чара гражданлык бурычы һәм җаваплылык хисе тәрбияләүгә, мәктәпкәчә яшьтәге балаларда хокукый белемнәр белән кызыксыну уятуга ярдәм итте.