25 августта музей-мәгариф бүлегенең фәнни хезмәткәре И.Җ. Мөхәммәтшин Болгар музей-тыюлыгына килүчеләр өчен «Спас – су баскан шәһәр»дигән лекция укыды.
Тыңлаучылар тарихка экскурсия ясадылар: 1781 елда Спас авылының шәһәр булып китүе, XX гасыр башына он тарту һәм сәүдәнең мөһим үзәгенә әверелеп, таркалу һәм чәчәк ату чорларын кичерүе турында белделәр. Кунаклар көнкүрешнең кызыклы нечкәлекләрен дә белделәр: мәсәлән, ни өчен җирле «Переволоки» пристане үз урынын даими алыштырып торган һәм Спас өязенең кирпеч җитештерүе нәрсәсе белән дан тоткан.
Аерым игътибар тарихның фаҗигале битенә – Куйбышев сусаклагычын төзүгә бирелде. 1953 елда халыкны иске шәһәрдән 25 чакрым ераклыктагы яңа урынга күчерә башлыйлар. Йортларны бүрәнәләргә бүлеп, яңа участокта яңадан җыялар иде.
Лекор шәһәрнең тарихы бөтенләй юкка чыкмавын билгеләп үтте: Спасскның өчтән бере су астында калган, әмма бүген дә, дулкыннар ярны юганда, иске йортларның нигезен һәм урамнарның сызыкларын күрергә мөмкин.
Лекциядә 9 кеше катнашты.