18 мартта Болгар музей-тыюлыгының экскурсияләрне оештыру бүлеге фәнни хезмәткәре Мусина Г.М. Кырымның Россиягә кушылуы көненә багышланган «Кырым – ул Россия» дигән чара үткәрде.
Балалар «истәлекле билге»музей-күргәзмә комплексында булдылар. Дәрес төп бер максат белән оештырылды: балаларга Кырымның өйгә, Россиягә кайтуы турында сөйләү. Бу вакыйганың безнең ил өчен ни өчен шулай мөһим булуы турында сөйләштеләр. Балалар бик күп яңа һәм кызыклы нәрсәләр белделәр; алар актив рәвештә сорауларга җавап биреп кенә калмадылар, үзләре өчен яңа мәгълүмат белән дә кызыксындылар. Чара вакытында балалар мавыгып 2014 елның март вакыйгасы тарихы һәм фактлары турында сөйләделәр. Нәниләр бу көннең ни өчен «яңадан берләшү» дип аталуын, моның ничек килеп чыгуын һәм алга таба Кырымга һәм анда яшәүчеләргә ничек йогынты ясавын белделәр.
Мондый чаралар бик мөһим, чөнки алар безгә тарихны белергә генә түгел, ә үзебезне зур һәм көчле илнең бер өлеше итеп тоярга да ярдәм итә. Кырымның Россиягә кушылуы көне ел саен кешеләрне берләштерә, тарихи хәтернең кыйммәте һәм Россия халкының бердәмлегенең әһәмияте турында искә төшерә.