26 ноябрьдә «Татнефть» хәйрия фонды акчасына гамәлгә ашырыла торган «Болгар барысы өчен дә» проекты кысаларында археология мәйданчыгында, Болгар музей-тыюлыгының «Мөмкинлекләр территориясе» иҗат студиясендә «Мөмкинлекләре чикләнгән Болгар мәктәп-интернаты»ның 3-7 сыйныф укучылары белән чираттагы дәресләр узды.
Музей экспозициясендә археология буенча интерактив дәрестә укучылар төрле терминнар һәм төшенчәләр беркеттеләр – археологик казу, мәдәни катлам, археологик табылдык, музей экспонаты. Тикшеренүләр үткәрү һәм табылган предмет буенча аның кайда булуын, материалын һәм аны борынгы һөнәрчеләрнең кайсысы ясаганын билгеләү бурычын зур кызыксыну белән үтәделәр.
«Мөмкинлекләр территориясе» иҗат студиясендә кул эшләре дәресендә балалар борынгы корамалы курчакларның күптөрлелеге, аларны борынгы көнкүрештә куллану турында белделәр һәм кышкы киемнән курчак-чүлмәк ясарга һәм курчаклар өчен җепләрдән билбау үрергә өйрәнделәр. Нәфис рәсем сәнгате дәресендә балалар су буяулары белән «Эбру» стилендә рәсем ясарга һәм рәсемне тукымага күчерергә өйрәнделәр. Балаларга иҗатның мондый төре бик ошады, алар буяулар һәм бизәкләр белән фантазияли һәм импровизацияли алдылар, аларның һәркайсы үзенең кабатланмас рәсемен булдырды.
Балалар һәрвакыт мондый дәресләргә бик теләп йөриләр, биредә алар музей дөньясын танып беләләр, үзләренең иҗади сәләтләрен ачалар һәм дустанә атмосферада үзара бәйләнешкә өйрәнәләр.
Дәресләрдә 8 кеше катнашты.