28 ноябрьдә Болгар музей-тыюлыгының музей-мәгариф эшчәнлеге бүлеге экскурсоводы Сабирҗанова Л.И. Татарстан Республикасы Спас муниципаль районының «Балалар иҗаты йорты»нда укучы 9 бала өчен әниләр көненә багышланган «Әни сүзе ничек матур» дигән чара үткәрде.
Дөньяда әниләргә багышланган үзенчәлекле көннәрнең барлыкка килүе гаҗәп түгел. Аларны бөтен дөньяда үткәрәләр: төрле илләрдә моның өчен төрле даталар билгеләнгән.
Безнең илдә бу бәйрәмне ноябрьнең соңгы якшәмбесендә билгеләп үтәләр. 2025 елда Россия әниләр көне 30 ноябрьдә узачак.
Чара барышында балалар бәйрәмнең тарихы һәм традицияләре белән таныштылар. Балалар әниләре турында сөйләделәр, шигырьләр укыдылар, табышмаклар чиштеләр, кроссвордлар чиштеләр, матур котлау открыткалары ясадылар, шулай ук җилпәзә ясау буенча мастер-класс үткәрелде.