2025 елның 17 ноябрендә Болгар музей-тыюлыгының фәнни хезмәткәре Осинцева О. П. Никольск авылына экскурсия оештырды, анда өченче буын университетның актив вәкилләре катнашты, аның җитәкчесе музей-тыюлыкның фәнни хезмәткәре Мөхәммәтшин Җ. Г.
Экскурсия бик җылы һәм дустанә шартларда узды. Никольск авылына юл тотканда Спас районының Өч күл, Полянка, Танкеевка, Кызыл Бистә, Кызыл Вал һәм Бугровка авыллары турында кыскача мәгълүмат бирелде.
Никольск авылына керү юлында экскурсантларны җирле үзешчән оста А.М. Филиппов ясаган 6 метрлы стелада ат сыннары каршы алды. Мәктәп урамы буйлап мастер йорты һәм Никольск урта гомуми белем бирү мәктәбе яныннан үтеп, авыл үзәгенә илтүче Буденный урамына чыктык.
Экскурсия барышында Никольск авылының төп мәдәни объектлары: Казан Мәрьям Ана иконасы хөрмәтенә төзелгән чиркәү, парк, яңа гидротехник корылма, шулай ук Никольск мәдәният йортында урнашкан музей һәм А.М. Филиппов картиналары саклана торган китапханә каралды. Очрашу азагында чәй өстәле оештырылды, анда Җ.Г. Мөхәммәтшин шәхси китапханәсеннән ике китап бүләк итте.
Кайтканда экскурсантлар авыл турындагы хатирәләре, тәэсирләре белән уртаклаштылар, шәхси тормышлары турында сөйләделәр.