2024 елның 20 ноябрендә Болгар музей-тыюлыгының «Музейлар урамы» бүлеге методисты Сәгыйрова Л.Ш. «Болгар шифаханә мәктәп-интернаты» укучылар өчен «Безнең матур самовар» дигән чара үткәрде.
Чараның максаты: самавыр, аның барлыкка килү һәм Русьта барлыкка килү тарихы белән танышу.
Балалар «Болгар чәйләве » музеенда булдылар, анда экспозиция белән таныштылар, төрле фабрикантлар: Воронцовлар, Тейле, Шемариннар, Баташевлар самоварлары коллекциясен карадылар. Аларны бу эшләнмәләрнең формалары да, алардагы билгеләр: медальләр, тамгалар да җәлеп иткән. Укучылар самавырның төзелеше һәм дөньяның төрле халыкларында чәй эчү традицияләре белән таныштылар.
Чарада 22 кеше катнашты.
Социаль челтәрләрдә уртаклашу

Русский
English