2024 елның 11 августында Болгар музей-тыюлыгының «Музей урамы» бүлеге хезмәткәре Л.Ш. Сәгыйрова 35 бала өчен «Шагыйрь-фикер иясе» дигән чара үткәрде.
Кол Гали-Идел Болгары шагыйре, «Кыйсса һәм Йосыф» лироэпик поэмасы авторы. Кол Гали турында биографик мәгълүматлар аз һәм каршылыклы. Кол Гали Идел Болгариясендә туа. Озак еллар мөселман көнчыгышының мәдәни үзәкләре (Сүрия, Иерусалим, Мәккә) буйлап сәяхәт итә, озак еллар Биләрдә, Болгарда, Суарда, Кашанда яши. Аның рухани мулла дәрәҗәсе бар иде. 1236 елда Биләрдә монголлар һөҗүме вакытында һәлак булган дип уйланыла. Шулай да шагыйрь 1241 елда үз үлеме белән үлгән дигән фикер дә бар.
Чарада катнашучылар әсәрнең кыскача эчтәлеге белән таныштылар. Сорауларга җавап бирделәр, поэмадан өзекләр тыңладылар.

Социаль челтәрләрдә уртаклашу