2024 елның 19 июлендә Болгар музей-тыюлыгының экскурсияләрне оештыру бүлеге хезмәткәре Галимуллина Н.Р. Халыкара шахмат көненә багышланган «Идел болгарлары уеннары» интерактив чарасы уздырды.
Болгар цивилизациясе музеенда катнашучылар төп тарихи моментлар һәм безнең экспозициянең иң кызыклы артефактлары белән таныштылар. Әлбәттә, үткән уеннарга аерым игътибар бирелде. Балалар борынгы шашка һәм шахматларга, кубикларга һәм «альчики» уен сөякләренә игътибар иттеләр. Бу предметлар шахматның һәм башка өстәл уеннарының җирле халык арасында популяр булуын раслый. Балаларны уен кагыйдәләре белән таныштырдылар.
Чара Тарихи яр буенда тәмамланды. Балалар урта гасырлардагы «тегермән» уенын уйнадылар, шулай ук нәниләр хәрәкәтчән уеннарда рәхәтләнеп катнаштылар. Уен һәрвакыт ярышны, үзенә күрә көрәшне күздә тота. Болар барысы да балаларның характерын һәм психикасын чыныктыра, социализациягә, аралашу күнекмәләрен үстерүгә ярдәм итә, бер-берсенә яхшы мөнәсәбәттә булырга өйрәтә һәм, әлбәттә инде, бәләкәй кунакларыбызның йөрәгенә шатлык китерә.

Социаль челтәрләрдә уртаклашу