2024 елның 15 февралендә Болгар музей-тыюлыгының «Музей урамы» бүлеге хезмәткәре Л.Ш. Сәгыйрова тарафыннан 20 укучы өчен Муса Җәлилнең туган көненә багышланган «Шагыйрь-герой-Муса Җәлил» интерактив музей чарасы үткәрелде.
Чара барышында балалар аның катлаулы балачак һәм яшүсмерлек еллары, әдәби эшчәнлеге, шагыйрь тормышыннан кызыклы фактлар, шулай ук шагыйрьнең кырыс фронт көннәре, концлагерьларның фашист төрмәләрендә үткәрелгән куркыныч вакыт турында белделәр. Туган илгә хыянәт итүчедән шагыйрьнең геройга ничек әверелүе һәм бу эштә Константин Симонов һәм Гази Кашшафның нинди роль уйнавы турында белдек. Муса Җәлил «Моабит дәфтәрләре» шигырьләр җыентыгы өчен Ленин премиясенә лаек була һәм үлгәннән соң Советлар Союзы Герое исеме белән бүләкләнә.
Чарада катнашучылар рус һәм татар телләрендә тирән эчтәлекле, кыю шигырьләр укыдылар, презентацияне карадылар, Казанда урнашкан Муса Җәлилнең музей-фатиры белән виртуаль таныштылар, Муса Җәлилнең үз кызы Чулпанга җибәргән открыткасын укыдылар.
Чара ахырында балалар М. Җәлил китаплары белән таныштылар.

Социаль челтәрләрдә уртаклашу