2024 елның 24 гыйнварында Болгар цивилизациясе музееның күргәзмә мәйданчыгында “Бер картина тарихы. 1722 ел. Бөек Болгарлар ” күргәзмәсе ачыла. Идел буе Болгариясенең борынгы башкаласы тарихы мең елдан артык. Бу вакыт эчендә монда борынгы Русь кенәзләре дә, Алтын Урда ханнары да, Россия империясе хакимнәре дә булган. Болгар шәһәрчеген саклау өчен иң мөһиме, мөгаен, 1722 елның маенда Россия императоры Бөек Петрның Фарсы походына баруы булгандыр. Ул җимерекләрне карап чыга, зур манара диварында автограф калдыра, Болгар һәм әрмән кабер ташларыннан текстларны күчереп язарга һәм рус теленә тәрҗемә итәргә боера. Аннан соң Императорның Болгар җимерекләрен ремонтлау һәм саклау турында Указы чыгарыла.
Күргәзмәдә Александр Миронович Родионовның «1722 ел. Бөек Болгарлар» картинасы тәкъдим ителә. Картина 1980 елда төшерелгән. Родионов Александр Миронович рәссам, ТАССРның атказанган сәнгать эшлеклесе, ТАССРның халык рәссамы (1978 ел), РСФСРның Атказанган рәссамы (1981 ел). Музейга килүчеләр игътибарына Болгар музей-тыюлыгы фондларыннан Петр I сурәтләнгән картина тәкъдим ителә.

Социаль челтәрләрдә уртаклашу