2023 елның 5 июнендә Болгар музей-тыюлыгының музей-мәгариф бүлеге хезмәткәре Л.И. Сабирҗанова музей-тыюлык кунаклары өчен «Туган якның тыюлык урыннары» чарасын үткәрде.
Чарада кунаклар БМО тарафыннан урнаштырылган һәм ел саен 5 июньдә билгеләп үтелә торган Бөтендөнья әйләнә-тирә мохит көне турында белделәр. Бәйрәм 1972 елда БМО Генераль Ассамблеясының 27 нче сессиясендә игълан ителә.
Шул ук көнне Россия экологлары үзләренең һөнәри бәйрәмнәрен билгеләп үтәләр. Эколог көне-табигатьне саклау эшчәнлеген алып баручы белгечләрнең һөнәри бәйрәме.
Туристлар Болгар цивилизациясе музеенда булдылар, анда Идел буе Болгариясе тарихын белделәр, шәһәрчек буйлап йөрделәр һәм сакланып калган архитектура һәйкәлләре белән таныштылар.
Чара барышында кешелекнең глобаль проблемалары күтәрелә, алар әйләнә-тирә мохитне җимерүгә һәм пычратуга китерә. Шулай ук балаларга әйләнә-тирә мохитне саклау һәм табигатьтә үз-үзләрен тоту кагыйдәләре турында сөйләделәр, алар «Россиянең Кызыл китабына»кертелгән сирәк һәм юкка чыгу куркынычы астында булган хайваннар һәм үсемлекләр турында белделәр.
Чарада 19 кеше катнаша.

Социаль челтәрләрдә уртаклашу