2023 елның 23 мартында «Пушкин картасы» проекты кысаларында Болгар музей-тыюлыгы хезмәткәрләре Ульяновск өлкәсе Димитровград шәһәренең Габдулла Тукай исемендәге 22 нче урта мәктәбе укучылары өчен «Спас өязе тарихының алтын битләре» дигән интерактив театральләштерелгән чара үткәрделәр.
Чарада укучылар 18-19 гасырларда Спасск өяз шәһәренең тормышы һәм көнкүреше белән таныштылар.театральләштерелгән программа геройлары: Петр I, Екатерина II, шәһәр башлыгы һәм дворянка тематик костюмнарда өяз һәм шәһәр тормышындагы иң якты тарихи вакыйгаларны яктырттылар. Шулай ук ул вакыттагы популяр бал биюләре элементлары, әйлән-бәйлән әйләнү һәм салон уеннары: лото һәм карталар тәкъдим ителде. Балаларны төрле кул эшләре белән таныштырдылар: йон эрләү, тал чыбыгыннан кәрҗин үрү, курчак-бөтие ясау, туку һәм прәннекләрне аксым белән бизәү буенча мастер-класслар үткәрелде.
Укучылар рәхәтләнеп,шатланып бииләр, уйныйлар һәм мастер-классларда катнашалар. Геройларның костюмнары да зур кызыксыну уятты. Программа ахырында фотосессия үткәрелде. Чарада катнашучыларның барысы да уңай эмоцияләр һәм онытылмаслык тәэсирләр алды!
Чарада 220 укучы катнашты.

Социаль челтәрләрдә уртаклашу