2023 елның 22 февралендә Болгар музей-тыюлыгы хезмәткәре Мусина Гөлия Бөтендөнья экскурсовод көненә багышланган «Шундый һөнәр – экскурсовод бар» дигән мәгълүмати чара үткәрде.
Ел саен 21 февральдә дөньяның күп кенә шәһәрләре — бигрәк тә туризм үзәкләре булган шәһәрләр — Бөтендөнья экскурсовод көнен билгеләп үтәләр. Ул Бөтендөнья экскурсоводлар (гидлар) ассоциацияләре федерациясе тарафыннан экскурсоводларның эшенең мөһимлеге һәм әһәмияте турында киң җәмәгатьчелекнең мәгълүматлылыгын арттыру максатында оештырылды. Ассоциация 1985-нче елда беренче халыкара экскурсовод Конвенциясенә нигезләнгән, һәм хәзерге вакытта дөньяның 70тән артык иленнән 2 миллионнан артык кеше аның әгъзалары. Ә бәйрәм үзе 1990 елдан бирле билгеләп үтелә.
Чара барышында балалар Экскурсовод һөнәре турында белемнәрен киңәйттеләр, бу белгечлекнең уңай яклары турында фикер алыштылар, «һөнәрләрне атагыз» уенын уйнадылар, шулай ук «интонация»мастер-классы үткәрделәр. Дәрес азагында укучылар «Болгар музей-тыюлыгы» дип аталган виртуаль экскурсия үткәрделәр, ул аларда безнең музейга килергә теләк уятты .

Социаль челтәрләрдә уртаклашу