2023 елның 2 февралендә Болгар музей-тыюлыгының истәлекле билгесе конференц-залында учреждениенең 2022 елгы эшенә йомгак ясау буенча коллективның гомуми җыелышы узды. Хисап җыелышында ТР Туризм буенча дәүләт комитеты рәисе Сергей Евгеньевич Иванов, ТР Спас муниципаль районы башлыгы Фәргать Вәгыйз улы Мөхәммәтов, район ведомстволары һәм учреждениеләре җитәкчеләре катнашты.
Болгар музей-тыюлыгы директоры Рамил Рөстәм улы Җиһаншин «Болгар музей-тыюлыгының 2022 елгы эшчәнлеге нәтиҗәләре һәм 2023 елга үсеш перспективалары»темасына доклад белән чыгыш ясады. Докладта экскурсия, фонд, күргәзмә һәм грант эшчәнлеге яктыртыла, хисап елында фәнни-гамәли конференцияләр, массакүләм чаралар, мастер-класслар үткәрелә, яңа күргәзмәләр ачыла.
ТР Спас муниципаль районы башлыгы Фәргать Вәгыйз улы Мөхәммәтов район эшенә йомгак ясады һәм Болгар музей-тыюлыгы коллективының нәтиҗәле эшен билгеләп үтте.
ТР Туризм буенча дәүләт комитеты рәисе Сергей Евгеньевич Иванов тулаем Татарстан Республикасының 2022 елдагы казанышлары, шул исәптән туризм өлкәсендәге казанышлары һәм 2023 елга бурычлары турында сөйләде.
Җыелыш ахырында музей-тыюлыкның иң яхшы хезмәткәрләрен бүләкләү тантанасы узды. Экскурсияләрне оештыру бүлеге мөдире Гөлнара Рафаэль кызы Прокофьева ТР Туризм буенча дәүләт комитетының Рәхмәт хаты белән бүләкләнде. ТР Спас муниципаль районының Мактау грамотасы белән музей караучысы Фәридә Шәрифулла кызы Янмурзина ТР тарихи-мәдәни мирасын популярлаштырган өчен һәм күпьеллык намуслы хезмәте өчен, тракторчы Фәнил Равил улы Кашапов күпьеллык намуслы хезмәте өчен бүләкләнде. ТР Спас муниципаль районы Советы һәм Башкарма комитетының Рәхмәт хаты белән намуслы хезмәте өчен музей каравылчысы Роза Мингәрәй кызы Шагеева һәм намуслы хезмәте өчен музей караучысы Зөһрә Сәлих кызы Котбутдинова бүләкләнделәр.
Болгар музей-тыюлыгының Мактау грамоталары белән фәнни хезмәткәр Татьяна Владимировна Лифантьева ТР тарихи-мәдәни мирасны саклау эшендә актив эшләгән өчен, музей караучысы Татьяна Петровна Рязанова ТР тарихи-мәдәни мирасны саклау эшендә нәтиҗәле эшләгән өчен, автобус йөртүчесе Мөхетдинов Сергей Равильевич профессиональлеге һәм туристларга хезмәт күрсәтүнең югары дәрәҗәсе өчен бүләкләнде.
Болгар музей-тыюлыгы коллективына җаваплы эш, әһәмиятле нәтиҗәләргә ирешү һәм нык сәламәтлек теләделәр!

Социаль челтәрләрдә уртаклашу