2022 елның 21 октябрендә «Мөмкинлекләре чикле балалар өчен Болгар интернат-мәктәбе» ДБББУ 9 нчы сыйныф укучылары өчен, Болгар цивилизациясе музеенда, балаларның туган як тарихы буенча белемнәрен киңәйтү, аларда Татарстан Республикасының мәдәни мирасына хөрмәт һәм мәхәббәт тәрбияләү максатыннан, БДБМУ экскурсияләр оештыру бүлеге хезмәткәре М. Н.Рогачева интерактив мәгълүмати-танып белү чарасы үткәрде. Болгар цивилизациясе музее экспозициясе белән тирәнрәк һәм тематик танышу.
Укучылар өчен музей экспозициясе буенча интерактив экскурсия уздырылды, алар анда зәркән һөнәре белән бәйле Болгар шәһәрчеге табылдыклары белән таныштылар. Чара барышында балалар бик күп уникаль зәркән эшләнмәләрен күрделәр, ерак вакытларда Болгар зәркәнчеләренең үз эшләренең зур осталары булуларын, уникаль бизәнү әйберләре һәм көнкүреш әйберләре ясап, үз эшләрендә югары камиллеккә ирешүләрен, Болгар бизәнү әйберләре белән бәйле борынгы риваятьләрне дә тыңлауларын белделәр.
Балалар тәкъдим ителгән конкурсларда актив катнаштылар: Болгар зәркәнчеләре эшләнмәләрен сурәтләгән пазлларны бергә җыйдылар, аларның оригиналларын музей экспозициясендә эзләделәр, археологик табылдыкларның күчермәләре белән кызыксынып таныштылар һәм алар арасында борынгы болгар осталарының зәркән эшенә бәйле әйберләрне эзләргә тырыштылар.

Социаль челтәрләрдә уртаклашу