2022 елның 19 сентябрендә Болгар музей-тыюлыгының «Музей урамы» бүлеге хезмәткәре Л.Ш. Сәгыйрова Иске Рәзәп урта мәктәбе укучылары өчен «Татар язуы тарихы» дигән танып белү чарасы үткәрде.
Чарада катнашучылар ачык һавадагы төрки-татар язуы музее белән таныштылар, анда төрки-татар язуы үсеше этаплары турында белделәр, рун һәм гарәп язуларын чагылдырган стеллаларны, шулай ук латин графикасы һәм татар кириллицасы нигезендә язма үрнәкләрен карадылар.
Шагыйрьләр трейле буйлап йөреп, балалар Сәиф Сарай, Кол Шәриф, Мәхмүд Болгари кебек шагыйрьләр һәм галимнәр турында белделәр.
Идел Болгары галимнәре Көнчыгыш дәүләтләрдә «әл-Болгари» исеме белән билгеле булганнар, алар шулай ук Болгар мәдрәсәсенә таныш булганнар.
922 елда ислам динен кабул итү мәгариф, фән һәм әдәбият үсеше өчен этәргеч булды. Болгарлар математика, астрономия, медицина, география һәм тарихта зур уңышларга ирештеләр.

Социаль челтәрләрдә уртаклашу