2022 елның 30 августында Болгар музей-тыюлыгының фәнни хезмәткәре Мусина Г.М. Татарстан Республикасы көненә багышланган «Мин Татарстанда яшим» исемле катнаш төрдәге балалар бакчасы «Чишмә» урта төркем балалары өчен чара үткәрде. Төп максат балаларда үз Ватанының тарихына, мәдәниятенә, дәүләт символларына уңай мөнәсәбәт формалаштыру иде.
Һәрбер дәүләтнең, һәр илнең һәм Республиканың символлары бар. Символика теләсә кайсы дәүләтнең бик мөһим өлеше. «Символика» төшенчәсе астында флаг, гимн һәм герб күздә тотыла. Һәр халык үз милли – дәүләт символикасын булдыра һәм хөрмәт итә. Төрле мәдәниятнең бердәмлеге аның символларының уртак телендә тора. Символлар кешеләргә җитди йогынты ясый.
Россия Федерациясе һәм Татарстан Республикасы дәүләт символларына балаларны патриотик тәрбияләүдә, гражданлык тәрбияләүдә зур роль бирелә. Һәр халыкның изгелеген һәм горурлыгын символлаштыра, чөнки кешеләрне сугыш һәм хезмәт батырлыкларына озата һәм фатихалый, эш көннәрендә һәм бәйрәмнәрдә була. Аларның билгеләнеше-уртак тарих һәм гореф-гадәтләр нигезендә Гербта, Флагта, гимнда яшәүче халыклар берләшмәсе.
Дәрес барышында балалар Татарстан символикасы белән таныштылар, флаг төзеделәр һәм төрле геральдиклар арасында республика гербын таптылар. Балалар бик теләп «Түбәтәй» уенын уйнадылар, сорауларга актив җавап бирделәр һәм биремнәрне үтәделәр. Милли киемнәрдәге курчак буяулары, татлы бүләкләр һәм яхшы хатирәләр хәтердә кала.

Социаль челтәрләрдә уртаклашу