2022 елның 20 маенда Болгар музей-тыюлыгының «Музей урамы» бүлеге хезмәткәре Сәгыйрова Л.Ш. Өчкүл авыл китапханәсендә укучылар өчен Идел буе Болгары буйлап «Ислам Болгарда»дип исемләнгән виртуаль тарихи экскурсия үткәрелде.
1100 ел элек Идел Болгары Ислам динен үз территориясендә дәүләт дине буларак урнаштырган. Бу вакыйга күп очракта көнбатыш һәм Көнчыгыш традицияләрен тоташтыручы уникаль Россия цивилизациясе булдыруны билгеләде.
922 елның 21 маенда Болгар шәһәренә Идел Буе Болгарының сәяси, икътисади һәм мәдәни үзәгенә Багдадтан илчелек килде, ул дәүләтнең Ислам дөньясы белән багланышларына нигез салды. Идел буенда Ислам төбәктә мәдәният үсешенә көчле этәргеч бирде, ул фән, дин, югары әдәбият һәм сәнгатьнең төрле тармакларында уртак мөселман мирасына зур өлеш кертте.
Виртуаль экскурсиядә укучылар Ислам кануннары, мөселманнарның изге китабы, Әнвәр Хәйри тарафыннан рус теленә тәрҗемә ителгән «ибн Фадланның Итил елгасына язмалары» исемле уникаль китап турында мәгълүмат алдылар. Бу китаптан кайбер өзекләр тәкъдим ителде, Болгарга килгән сәхәбәләр турында риваять тыңладылар, Хан кызын дәвалап, шулай ук Ислам динен кабул ителүнең 1100 еллыгын бәйрәм итүгә багышланган китаплар һәм журналлар күргәзмәсен карадылар.

Социаль челтәрләрдә уртаклашу