2021 елның 23 октябрендә Болгар цивилизациясе музеенда «Пушкин картасы» проекты кысаларында “Бураково урта гомуми белем бирү мәктәбе” нең өлкән сыйныф укучылары өчен «Идел Буе Болгарының зәркән сәнгате» дип аталган мәгълүмати-танып-белү чарасы үткәрелде. Чараның максаты-балаларның туган як тарихы буенча белемнәрен киңәйтү, аларның Татарстан Республикасының бай, мәдәни мирасына карата хөрмәтен һәм мәхәббәтен үстерү, музей экспозициясе белән тирәнрәк танышу.
Укучылар музей экспозициясе буенча интерактив экскурсияне карагач, Болгар шәһәрчегеннән зәркәнчелек темасын ачучы бай археологик коллекция белән таныштылар. Нәкъ менә Болгар цивилизациясе музеенда тәкъдим ителгән археологик табылдыклар ул елларда Болгар зәркәнчеләренең зур осталары булуы һәм үз эшләрендә югары камиллеккә һәм сәнгать осталыгына ирешүләре турында зур мәгълүмат бирә.
Чара барышында балалар уникаль зәркән эшләнмәләренең күп төрлелеген күрделәр, Болгар бизәкләре белән бәйле борынгы легендаларны ишеттеләр, шулай ук зәркән остасының үз авызыннан эш инструментлары, аларны куллану, зәркән эшендәге төрле ысуллар һәм эш формалары турында белделәр, аларның кайберләре тере оста итеп тәкъдим ителде. Балалар останың эшен зур кызыксыну белән күзәттеләр, аның эше турында сораулар бирделәр һәм үзләре дә шундый катлаулы, гадәти булмаган һөнәрнең аерым эш алымнарын үзләштереп карадылар.
Соңыннан укучылар тәкъдим ителгән конкурсларда катнаштылар, барысы да зур кызыксыну белән борынгы болгар осталарының зәркән сәнгате темасына бәйле кроссворд чиштеләр.

Социаль челтәрләрдә уртаклашу