2021 елның 24 апрелендә Болгар музей-тыюлыгының Музей-белем бирү эшчәнлеге бүлеге методисты Сагирова Л.Ш. «Антошка» балалар бакчасында тәрбияләнүчеләр өчен Коръән музеенда бөек татар шагыйре Г. Тукайның тууына 135 ел тулуга багышланган «И туган тел, и матур тел » дип исемләнгән интерактив чара үткәрелде.
Татар шагыйре Габдулла Тукай озак гомер кичермәде, нибары 26 ел, әмма бу вакыт эчендә ул 30 томга якын шигырь чыгарды. Шагыйрь Казанда беренчеләрдән булып балалар өчен яза башлады һәм татар фольклоры турында берничә хезмәт чыгарды, бу аның әкиятләрендә чагылыш тапты.
Чарада катнашучылар Г.Тукайның биографиясе белән таныштылар, аның авыр балачагы турында хикәя тыңладылар, аның әсәрләрен искә төшерделәр. Балалар «Бала белән күбәләк» шигырен сәхнә образында укыдылар. Ата-аналар белән берлектә алар шулай ук бөек татар шагыйре әкиятләре буенча кул эшләнмәләре әзерләделәр. Балалар игътибарына “Тукай нәниләренә”дигән китап күргәзмәсе тәкъдим ителде.
Чара ахырында барлык катнашучылар да истәлекле бүләкләр һәм татлы призлар алдылар.

Социаль челтәрләрдә уртаклашу