2020 елның 8 декабрендә Болгар музей-тыюлыгының экскурсияләр оештыру бүлеге хезмәткәрләре Гайфетдинова О.А. һәм Сәлимова Г. А. һәм ТР Спас муниципаль районы 2 нче урта гомуми белем бирү мәктәбенең озынайтылган көн төркеме укучылары өчен Инвалидлар декадасы кысаларында «Син ялгыз түгел» дигән темага чара үткәрделәр.
Декабрь башы, гадәттәгечә, инвалидлар декадасы буларак билгеләп үтелә. Ул Берләшкән Милләтләр Оешмасы карары белән 1993 елдан башлап 3 декабрьдә билгеләп үтелә торган Халыкара инвалидлар көненә багышлана.
Инвалидлар декадасы кысаларында төрле чаралар үткәрелә, аларның максаты-җәмәгатьчелек игътибарын хәзерге дөньяда инвалидлык проблемаларына җәлеп итү, шулай ук теге яки бу дәрәҗәдә физик, интеллектуаль һәм мөмкинлекләрендә чикләнгән кешеләргә карата дустанә мөнәсәбәт формалаштыру. Мондый очрашулар уңай эмоцияләр тудыруга һәм тормыш тонусын күтәрүгә бик яхшы тәэсир итә.
Әлеге чарада төрле уен элементлары кулланылды. Укучылар әңгәмә барышында бик күп яңа һәм кызыклы нәрсәләр белделәр, барлык биремнәрне дә актив үтәделәр.

 
Фото-отчет

Социаль челтәрләрдә уртаклашу