2020 елның 22 ноябрендә Болгар музей – тыюлыгы хезмәткәре Г.Т. Гомәрова тарафыннан “Болгар санатор-интернаты” дәүләт бюджет белем бирү учреждениесе укучылары өчен “Борынгы Болгарның архитектурасы һәм монументаль рәсеме”дигән темага чара үткәрелде.
Идел буе Болгарында шәһәрләр һәм шәһәр мәдәнияте барлыкка килү 922 елда Идел буе Болгарстаны Ислам динен кабул итү белән тыгыз бәйләнгән. Бу Идел буе Болгары архитектурасында да чагылыш тапты.
Архитектура һәйкәлләренең урнашуы Идел буе Болгары территориясен гомуми сыйфатларда күрсәтергә мөмкинлек бирә. Болгар шәһәре эре һөнәрчелек үзәге булып тора. Бу-үзенчәлекләре, мәдәнияте булган дәүләт, аның тарихы X гасырдан башлана, Идел буе Болгары эшләгән чорда, бигрәк тә Болгар, Биләр, Сувар кебек шәһәрләр үсешендә аерылып тора.
Барлык чыганаклар да, археологик, язма чыганаклар да Болгар шәһәрләренең яхшы сыйфатлы архитектур иҗат үрнәге булуын раслый. Сарай корылмалары, караван-сарайлар, собор һәм квартал мәчетләре, җәмәгать мунчалары, мавзолейлар һәм башка биналар корыла. Болгариядә дини һәм иҗтимагый биналардан тыш, торак архитектурасы да үсеш ала. Төзекләндерү элементлары, су белән тәэмин итү, ташландык суларны агызу һәм яшерен җылылык Идел Буе Болгарының санитар-техник үсешенең югары дәрәҗәдә булуы турында сөйли.
Чара барышында укучылар Биләр, Сувар кебек шәһәрләр турында белделәр. Зур теләк белән сорауларга җавап бирделәр һәм архитектура һәйкәлләре сурәтләнгән пазллар җыйдылар.

 
Фото-отчет

 
Социаль челтәрләрдә уртаклашу