2020 елның 5 ноябрендә П. А.Карпов исемендәге «Болгар кадет интернат-мәктәбе» нең 6-7 сыйныф укучылары өчен Болгар музей-тыюлыгының экскурсияләр оештыру бүлеге хезмәткәре М. Н. Рогачева интерактив формада укучыларны гражданлык-патриотик тәрбияләү максатыннан «Күренмәс» солдатлар бәйрәме» чарасы үткәрде. Әлеге чара хәрби разведчик көненә багышланган.
Хәрби разведка башлануы хәзерге Рәсәй территориясендә XIX гасыр башында нигез салына. Әмма хәрби разведчик көненә багышланган бәйрәм, Рәсәйдә озак еллар үсеш тарихына карамастан, бары тик 12 октябрьдә генә РФ Президенты боерыгы белән гамәлгә куелган һәм ел саен 5 ноябрьдә хәрби разведка көне билгеләп үтелә.
Презентация белән әңгәмә формасында үткәрелгән чарада укучылар бәйрәмнең тарихы, хәрби разведчик һөнәре турында белделәр, Советлар Союзының танылган разведчикларының исемнәре белән таныштылар, шулай ук аларның берсе-Совет разведчигы Н.И.Кузнецов турында сөйләгәнне ишеттеләр.
Чара барышында кадетлар «Яшь разведчиклар» уен программасында катнаштылар, анда алар үзләрен разведчик ролендә сынап карадылар. Балалар, командаларга бүленеп, зур кызыксыну белән төрле биремнәрне үтәделәр, белемнәрен, зирәклеген, игътибарлылыгын күрсәттеләр. Чара ахырында җиңүчеләр командасы кечкенә призлар белән бүләкләнде

Социаль челтәрләрдә уртаклашу