2020 елның 20 октябрендә Болгар музей-тыюлыгының музей-белем бирү эшчәнлеге бүлеге мөдире Р.З. Ваһапов «Милли аш-су – тарих ачкычы» темасына интерактив дәрес үткәрде.
Күп миллионлы, күп милләтле Рәсәй мәдәнияте күп гасырлар дәвамында төрле милләт халыкларының мәдәниятләре берләшүенә әверелде, ә Рәсәйдә алар йөз егермедән артык. Үзенчәлекле милли мәдәният халыкның зур булуына яки кече булуына бәйле түгел, ул Европа өлешенең үзәгендә яки ерак Тундрада яши, аның административ-территориаль бүленеше бармы, әллә юкмы. Аш-су, табынның халык традицияләре-милли мәдәниятнең аерылгысыз һәм әһәмиятле өлеше. Һәр халыкның кунакчылык традицияләре гасырлар буе тупланган, милли гореф-гадәтләрнең нигезен формалаштырган.
Татар милли ашлары мисалында, дәрес барышында студентлар милли ашларны өйрәнүнең туган тарихны өйрәнү өчен мавыктыргыч һәм тәмле чыганагы булуын белделәр. Татар халкының аш-су сәнгате үзенең милли һәм мәдәни традицияләренә бай, гасырлар буена узып баручы. Күп гасырлык тарих барышында үзенчәлекле милли кухня барлыкка килде, ул безнең көннәргә кадәр үзенчәлекле сыйфатларын саклап калды.
Дәрес ахырында үз мәдәниятеңне, телеңне ярату шәхесне, үзеңнең абруй хисен яңарта, дигән нәтиҗә ясалды. Кире элемтә дә бар: кеше аш-су традицияләрен югары дәрәҗәдә хөрмәт итә, пешекченең һөнәри осталыгын бәяли. «Кеше ризыгын үзгәртегез, һәм бөтен кеше үзгәрәчәк», — диде үз вакытында Д.И. Писарев. Шуңа күрә аш-су, аның милли нигезләрен, тәм-томнарын белү, милли ашларның традицияләрен яңарту бик мөһим.

Share on social networks