2020 елның 18 сентябрендә Болгар музей-тыюлыгының экскурсияләрне оештыру бүлеге хезмәткәре Ю.А. Битунова туристлар өчен «Табиб йорты» музеенда «Идел буе Болгары давалаучылары »дигән чара үткәрде.
Идел буе Болгарында медицина белемнәре халык медицинасы традицияләренә нигезләнәләр (бал, каен себеркесе, кондыз агымы, төрле хайваннар һәм кошлар итенең шифалы үзлегенә зур әһәмият бирелә). Археологик материаллар арасында хирургия инструментлары (ланцетлар, пинцетлар) очрый.
Медицина X-XI йөзләрдә халык акрынлап профессиональ, фәнни хәлгә әверелә. Болгарның медицина белеме билгеле бер дәрәҗәгә җитте. Авыруларны дәвалау юлларын эзләү һәм фәнни медицина белемнәрен системалаштыру төп шөгыльләре булган кешеләр барлыкка килде.
Медицина белемен үстерүгә ул вакытта зур уңышларга ирешкән Көнчыгыш медикларының хезмәтләре йогынты ясады. Алар арасында X гасыр-XI гасыр башындагы иң зур галим Әбү-Али Ибнне аерым билгеләп үтәргә кирәк. Безгә кадәр килеп җиткән Болгар галимнәре-медиклары турындагы хәбәрләр зур кызыксыну уята. Алар-абыйлы-энеле Таҗетдин һәм Хәсән Ибн-Юныс әл-Болгари. Алар тарафыннан гадәти даруларга багышланган инша язылды. Шулай итеп, болгар медицинасы бу чорда Көнчыгыш илләрдә дә билгеле булган. Безгә килеп җиткән чыганакларга караганда, Болгар медиклары медицина һәм фармакология буенча трактатлар язды.
«Табиб йорты» музеенда тыюлык кунаклары Идел буе Болгары медицина үсеше тарихы турында күп яңа һәм кызыклы нәрсәләр белделәр, шулай ук музей экспозициясендә тәкъдим ителгән археологик табылдыклар белән таныштылар.

Социаль челтәрләрдә уртаклашу