2020 елның 28 февралендә Болгар шәһәренең район мәдәният йортында алдынгылар җыены узды. Биредә үз хезмәтләре белән 2019 елда югары күрсәткечләргә ирешкән һәрбер тармак хезмәт алдынгыларын хөрмәтләделәр.
Бәйрәмнең тантаналы өлеше башланганчы, анда катнашучылар мәдәният йорты фойесында оештырылган күргәзмә белән таныштылар, анда җирле җитештерүчеләр һәм шәхси эшмәкәрләр җитештергән продукция үрнәкләре тәкъдим ителде. Болгар музей-тыюлыгы «Бөек Болгар кунаклары» фотокүргәзмәсен, музей-тыюлык осталары әзерләгән басма эшләнмәләр һәм кулдан эшләнгән сувенирлар тәкъдим итте. Балчык эшләнмәләре, формалы гипс һәм лозалар күргәзмәгә килүчеләрдә зур кызыксыну уятты.
Бу чарада алтынчы чакырылыш ТР Дәүләт Советы депутаты Камил Әсгат улы Нугаев, алтынчы чакырылыш ТР Дәүләт Советы депутаты, «Алексеевскдорстрой»ААҖнең директорлар советы рәисе Фоат Вәли улы Вәлиев, ТР Җир һәм мөлкәт мөнәсәбәтләре министры урынбасары Рөстәм Илдар улы Шәмеев, Ульяновск өлкәсе Губернаторы киңәшчесе Ольга Владимировна Желтова, «Иске Майна» районы муниципаль берәмлеге хакимияте башлыгы Василий Геннадьевич Половинкин, Татарстан Республикасы Әлки муниципаль районы башкарма комитеты җитәкчесе урынбасары Ленар Фәнил улы Әһлиуллин, “Идарә итүче Красный Восток Агро компаниясе” ААҖ нең генераль директоры Владимир Николаевич Панков, ” Идарә итүче Красный Восток Агро компаниясе ” территориаль идарәсе директоры Айрат Мөстәкыйм улы Гыйльмиев катнашты.
Алдынгылар җыенында катнашучыларга сәламләү сүзе белән Камил Нугаев һәм Фоат Вәлиев мөрәҗәгать иттеләр. Алар барлык җыелучыларны бу бәйрәм белән котладылар һәм киләчәктә дә уңышлар теләделәр. Аннары мөхтәрәм кунаклар ТР Спас муниципаль районы Башлыгы Ф.В. Мөхәммәтов белән бергә музей-белем бирү эшчәнлеге бүлеге мөдире Ренат Зиннәт улы Ваһаповны Татарстан Республикасының «Фидакарь хезмәт өчен» медале белән бүләкләделәр.
Болгар музей-тыюлыгыннан район Мактау тактасына экспозиция-күргәзмә эшчәнлеге бүлеге мөдире Юлия Петровна Гатина кертелде.

 
Фото-отчет

 
Социаль челтәрләрдә уртаклашу